Voronejda hayvonot bog‘idan qochgan ayiq pensionerni o‘ldirdi va egasiga og‘ir jarohat yetkazdi

Voronej viloyatidagi Semiluki qishlog‘ida ayiq 84 yoshli mahalliy fuqaroni o‘ldirdi va o‘z egasiga jiddiy jarohat yetkazdi. Bu haqda Rossiya IIV viloyat boshqarmasi ma’lum qildi.

Hodisa joyiga yetib kelgan politsiya jonivorni otib o‘ldirdi.

Ayiq xususiy hayvonot bog‘idan qochgani aniqlandi. Uning qurboniga aylangan pensioner qo‘shni uyda yashar  va olma terish uchun hovliga chiqqandi.

Jonivorni tinchlantirishga uringan hayvonot bog‘i egasi og‘ir jarohatlar oldi. Uning ixtiyorida ayiqdan tashqari yana 30 ta hayvon va qush borligi, ularni saqlash uchun tegishli ruxsatga ega ekanligi bildirilmoqda.

“Daryo”ning YouTube’dagi rasmiy sahifasiga obuna bo‘ling