Moskva va Maxachqal’ada qo‘lga olingan IShID tarafdorlari yoshlar festivaliga teraktlar tayyorlagan

Moskva va Maxachqal’ada qo‘lga olingan IShIDning “uyqudagi” guruhi jangarilari Butunjahon yoshlar va talabalar festivalida sodir etish uchun teraktlar tayyorlagan. Bu haqda huquq-tartibot organlari manbalariga tayanib, “Gazeta.ru” xabar bermoqda.

Qo‘lga olinganlarning barchasi allaqachon IShID yetakchilari bilan aloqasi va teraktlar tayyorlash bo‘yicha iqror bo‘luvchi ko‘rsatmalar bermoqda. Qo‘lga olish davomida terrorchilardan ikkita bomba, shuningdek, sovuq qurol olib qo‘yilgan.

Avvalroq Moskva va Maxachqal’ada “uyqudagi” terrorchi guruhlarining faoliyati oldi olinganligi ma’lum qilingan edi.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.

“Daryo”ning Telegram’dagi rasmiy kanali — @toshqindaryo’ga a’zo bo‘ling!