AQSh Koreya yarim oroliga “raqibni boshsiz qoldiradigan” maxsus otryadlarini yo‘lladi

Janubiy Koreya bilan o‘tkaziladigan qo‘shma mashg‘ulotlar doirasida AQSh yarim orolga maxsus otryad yo‘lladi. Ushbu otryad “raqibni boshsiz qoldirish”ga ixtisoslashgan, deb xabar beradi “RBK” Yonhap agentligiga asoslanib.

Bo‘linma AQSh atom submarinasi bortida joylashtirildi.

Bundan tashqari, mintaqaga Boeing 707-300 negiziga qurilgan, harbiy boshqaruv va nishon olishga qaratilgan Boeing E-8 JSTARS harbiy samolyoti yo‘llandi. U Shimoliy Koreya yer usti qo‘shinlarini kuzatadi.

Janubiy Koreya va AQSh 16-oktabr kuni qo‘shma harbiy mashg‘ulotlarni boshladi.

“Daryo” yangiliklarini Facebook’da kuzatib boring