Qualcomm birinchi 5G modemni muvaffaqiyatli sinovdan o‘tkazganini ma’lum qildi

Mobil telefonlar uchun mikrosxemalar ishlab chiqaruvchi Qualcomm kompaniyasi ma’lumotlarni 5G tarmog‘i orqali uzatish imkoniyatiga ega bo‘lgan modemni sinab ko‘rdi. Gap ma’lumotni soniyasiga 5 gigabitgacha bo‘lgan tezlikda uzata oladigan Snapdragon X50 modemi haqida ketmoqda, deb yozadi “Kommersant”.

Sinovda soniyasiga 1 gigabitdan yuqori tezlikka erishishga muvaffaq bo‘lingan. Shu bilan birga, Qualcomm 5G da ishlay oladigan smartfon loyihasini ham taqdim etdi. Smartfonning savdosi 2019-yilda boshlanishi kerak.

“Daryo” yangiliklarini Facebook’da kuzatib boring