Nokia 19-oktabr kuni yangi smartfonini taqdim etadi

Nokia smartfonlarini chiqaruvchi HMD kompaniyasi 19-oktabr kuni o‘tkaziladigan tadbir haqida e’lon qildi, deb yozadi “Hi-tech.mail.ru”.

Xitoyda bo‘lib o‘tadigan taqdimotda aynan qanday qurilma namoyish etilishi ma’lum emas, ammo u mahalliy yirik chakana savdo kompaniyasi orqali sotuvga chiqariladi.

Bu Nokia 8 ning katta hajmdagi xotirali yangi modifikatsiyasi yoki butunlay yangi qurilma bo‘lishi mumkin.

Avvalroq kompaniya Nokia 9, Nokia 7 va Nokia 2 kabi uchta smartfonni chiqarishga tayyorlanayotgani, ular shu yil yoki kelasi yili taqdim etilishi ma’lum qilingan edi.

“Daryo” yangiliklarini Facebook’da kuzatib boring