Qatar Saudiya Arabistonini mamlakatda hokimiyatni almashtirishga urinishda aybladi

Saudiya Arabistoni Qatardagi vaziyatni izdan chiqarish va hokimiyatni almashtirishga urinmoqda. Bu haqda Qatar tashqi ishlar vaziri Muhammad al-Taniy ma’lum qildi, deya xabar beradi “RIA Novosti”.

“Biz Saudiya Arabistoni mavjud tuzumni almashtirishga urg‘u berayotganini ko‘ryapmiz. Mansabdorlar odamlarni o‘z hukumatiga qarshi chiqishga undayapti, demak, gap tuzumni almashtirish haqida ketmoqda”, —dedi Al-Taniy.

Qatar TIV rahbariga ko‘ra, mamlakatiga nisbatan boykot e’lon qilgan arab davlatlarining niyati aslida terrorizmni bartaraf etish emas, “hurmatsizlik bildirish va cho‘chitish”ga qaratilgan. Biroq AQSh va Qatar rasmiylarining harakatlari vaziyatni tinchlantirish, harbiy harakatlar tahdidini yo‘qqa chiqarishga yordam berdi.

“Daryo” yangiliklarini Facebook’da kuzatib boring