Fransiya Yevroittifoq madhiyasi va bayrog‘ini rasman tan oldi

Fransiya Yevropa Ittifoqi ramzlari — ittifoq madhiyasi va bayrog‘ini rasman tan oldi. Mamlakat prezidenti Emmanuel Makron Yevropa kengashi rahbari Donald Tuskka mazkur qaror haqidagi bildirishnomani yo‘lladi, deya xabar beradi “Korrespondent.net”.

Yelisey saroyi tomonidan tarqatilgan press-relizda Fransiya tomonidan tuzilma madhiyasi va bayrog‘ining tan olinishi Yevroittifoqni bo‘lib yuborish harakatlariga qarshi “ramziy va siyosiy ishora” ekanligi bildirilgan.

Ko‘k fondagi 12 oltin yulduzdan iborat halqa aks etgan bayroq va Betxovenning To‘qqizinchi simfoniyasidan “Quvonch qasidasi” musiqasi asosidagi madhiya Lissabon shartnomasining 52-moddasida belgilangan.

Uni 16 davlat imzolagan, biroq Fransiya shu paytgacha ular qatoriga kirmasdi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!