Ukrainada sutkasiga 16 nafar bola o‘g‘irlanmoqda

Ukraina politsiyasiga 2017-yil boshidan beri bolalar yo‘qolgani haqida 5 mingdan ortiq xabar kelib tushdi, bu sutkasiga 16 taga to‘g‘ri keladi. Bu haqda “Korrespondent.net” xabar bermoqda. 

Mamlakatda 2015-yili 4,5 ming, 2016-yilda 6 ming, joriy yil shu kungacha esa 5075 ta bolalar yo‘qolishi holati qayd etildi. Asosan 13 yoshdan 17 yoshgacha bo‘lgan o‘smirlar qidirilmoqda (75 foiz). Biroq yo‘qolganlarning har to‘rttasidan biri 7 yoshgacha bo‘lgan bolalardir. 

Bolalar bog‘chalari xavfsizligi bo‘yicha auditor Yelena Lizinskayaga ko‘ra, Ukraina, jumladan, Kiyevdagi muassasalarning katta qismi himoyalanmagan. 

“Istamaganlari uchun emas, hech kim bunga e’tibor bermagani shunday. Hudud yopiq bo‘lishi, tugmali domofonlar o‘rnatilishi lozim. To‘g‘ri, bu ma’lum xarajatlarni talab qiladi, biroq gap bolalar hayoti haqida ketmoqda”, — ta’kidladi auditor. 

“Daryo”ning YouTube’dagi rasmiy sahifasiga obuna bo‘ling