Messisi bor Argentina termasi bilan o‘rtoqlik o‘yini 1 million dollar turadi

Argentina milliy terma jamoasiga qarshi o‘rtoqlik o‘yini o‘tkazish mumkinmi? “Ha”, — deb javob bersa bo‘ladi. Agar oldindan 1 million AQSh dollari to‘lab qo‘yilsa.

JCh—2018 dan chetda qolgan Ukraina termasi Rossiyadan kam bo‘lishni istamay, Argentinaga qarshi o‘rtoqlik o‘yinida maydonga tushishni rejalashtirayotgandi. FootballHub nashri ma’lumotiga ko‘ra, muzokaralar Argentina tomoni 1 million dollar so‘raganidan keyin boshi berk ko‘chaga kirib qolgan.

11-noyabr kuni Messi va jamoadoshlari Moskvadagi “Lujniki” stadionida Rossiyaga qarshi saf tortadi. FIFA kunidan unumli foydalanishni istagan Ukraina oradan 3 kun o‘tib, 14-noyabri Argentinani Kiyevda qabul qilishni istagandi. Biroq summa e’lon qilingach, Ukrain shashtidan qaytdi.

14-noyabr kuni Rossiya o‘z maydonida Ispaniyani qabul qiladi.

“Daryo” yangiliklarini “Odnoklassniki”da kuzatib boring