OAV: Suriya armiyasi Dayr az-Zorni jangarilardan to‘liq ozod qildi

Suriya qurolli kuchlari va uning ittifoqdoshlari tomonidan amalga oshirilgan keng ko‘lamli hujumlar natijasida Dayr az-Zor shahri IShID jangarilaridan to‘liq ozod qilindi. Bu haqda Londondagi Suriya inson huquqlari monitoringi markaziga tayanib, Reuters ma’lum qildi, deya xabar beradi “Vesti.ru”.

Suriya hukumati mazkur ma’lumotni rasman tasdiqlamadi.

Al-Hamidiya tumani ozod etilganidan so‘ng hukumat qo‘shinlari Shayx Yasin tumaniga hujumni davom ettirdi. Hujumdan ko‘p o‘tmay IShID mudofaasini yorib o‘tish va tumanni qo‘lga olishga erishildi.

Shuningdek, armiya bo‘linmalari Abu-Adad, Al-Baji dahalari va Al-Ardi hamda Al-Rashidiya tumanlarining katta qismini egalladi.

Hozirda Suriya armiyasi Dayr az-Zorning 92 foizini o‘z nazoratiga olgan.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.