Dayr az-Zavr yaqinida minalashtirilgan avtomobil portlatildi

Suriyaning Dayr az-Zavr shahri yaqinidagi qochqinlar markazida minalashtirilgan avtomobil portlatildi. Bu haqda “RIA Novosti” xabar bermoqda.

SANA agentligiga ko‘ra, terrorchi-xudkush Dayr az-Zavr shimoli-g‘arbida joylashgan Koniko va Jafra aholi punktlari oralig‘idagi yirik qochqinlar markaziga minalashtirilgan mashinada kirib kelgan va portlovchi qurilmani harakatga keltirgan.

Hodisa oqibatida o‘nlab fuqaro halok bo‘lgani va yaralangani bildirilmoqda.