Tramp Texasda halok bo‘lganlar xotirasiga AQSh bayroqlarini tushirib qo‘yishni buyurdi

5-noyabr kuni Amerikaning Texas shtati Sazerlend-Springs shahrida qurollangan erkak baptistlar cherkovi dindorlarini o‘qqa tutdi, deb yozadi “Gazeta.ru”. Oqibatda 26 kishi halok bo‘ldi, yana 20 ga yaqin kishi yaralandi. O‘qotar yo‘q qilindi.

Shu munosabat bilan AQSh prezidenti Donald Tramp cherkovdagi otishmada halok bo‘lganlar xotirasiga mamlakat bayroqlarini tushirib qo‘yish haqida farmoyish berdi. Bu haqda Oq uy tarqatgan bayonotda aytiladi.

Oq uy va barcha jamoat binolari, harbiy postlar va dengiz bazalaridagi bayroqlar 9-noyabr kuni quyosh botguniga qadar tushirib qo‘yiladi.