OAV: Texasda 26 kishining umriga zomin bo‘lgan mergan AQSh HHKda xizmat qilgan

Texas shtatining Sazerlend-Springs shahridagi cherkovda otishma uyushtirgan va 26 kishining umriga zomin bo‘lgan Devin Patrik Kelli AQSh harbiy-havo kuchlarida xizmat qilgan. Bu haqda “Gazeta.ru” xabar bermoqda.

CBS News telekanali Kelli 2010—2014-yillarda xizmatni o‘tagani, 2014-yil mayida “sharmandalarcha” haydalgani va tribunalga jo‘natilgani ma’lum qildi.

Dastlabki ma’lumotlarga ko‘ra, mergan hech bir terrorchi tashkilot bilan aloqador bo‘lmagan.

Eslatib o‘tamiz, AQSh prezidenti Donald Tramp cherkovdagi otishmada halok bo‘lganlar xotirasiga mamlakat bayroqlarini tushirib qo‘yish haqida farmoyish berdi.