Tramp Las-vegaslik merganni “kasal va aqldan ozgan odam” deb atadi

AQSh preizdenti Donald Tramp Las-Vegas shahrida 59 kishining umriga zomin bo‘lgan merganni “kasal va aqldan ozgan odam” deya atadi, deb xabar berdi “RIA Novosti”.

Jurnalistlar mamlakat rahbariga Puerto-Rikodagi brifingga uyushtirgan safaridan qaytayotganida, samolyot bortida daxshatli fojia tergovi bo‘yicha yangi ma’lumotlar bor yoki yo‘qligi haqida savol berishdi. “Mutlaqo. Avvalosi, u kasal va aqldan ozgan odam. Biroq taxminimcha, bu haqida hech qanday yangi ma’lumotlarsiz ham xabardormiz”, — dedi Tramp.

Prezident 4-oktabr, chorshanba kuni Las-Vegasga tashrif buyurishini tasdiqladi. U yerda Tramp jabrlanganlar, shuningdek, mahalliy hukumat vakillari hamda huquq-tartibot organlari bilan uchrashishni rejalashtirmoqda.

Mavzuga doir: Las-Vegasda 59 kishini o‘ldirgan Stiven Peddok kim o‘zi? Uning qurbonlari-chi?

“Daryo” yangiliklarini Facebook’da kuzatib boring