Afg‘oniston janubida “Tolibon”ning 14 nafar jangarisi yo‘q qilindi

Afg‘oniston janubidagi Helmand viloyatida afg‘on armiyasi tomonidan o‘tkazilgan aksilterror operatsiyasi davomida radikal kayfiyatdagi “Tolibon” harakatining kamida 14 jangarisi yo‘q qilindi, 15 nafari tan jarohati oldi.

Bu haqda, Afg‘oniston Islom Respublikasi Mudofaa vazirligi axborotiga asoslanib, “TASS” agentligi xabar bermoqda.

Xabar berishlaricha, reyd viloyat ma’muriy markazi — Lashkargohdan g‘arb tomonda joylashgan Nad Ali tumanida o‘tkazilgan.

Operatsiya davomida, jangarilardan tashqari, ularga tegishli besh avtomobil va besh mototsikl ham yo‘q qilingan.