Kurdlar neft ustidan nazoratni topshirish evaziga Bag‘dodga bir qancha talablar qo‘ydi

Iroq Kurdistoni rasmiylari federal hukumatga neft sohasi nazoratini topshirishga rozi bo‘ldi, ammo buning evaziga qator talablar ilgari surdi. Bu haqda “TASS” xabar bermoqda.

Mintaqaviy hukumat rahbari Nechirvon Barzoniyning aytishicha, Kurdiston Iroqning 2018-yilgi budjeti bo‘yicha e’tiroz bildirmoqchi.

“Budjet kurdlar ishtirokisiz ratifikatsiya qilindi, — dedi u Rudaw telekanaliga. — Agar federal ma’muriyat muxtoriyat xizmatchilari maoshlari uchun mablag‘ yuborsa, budjetning 17 foizini (Kurdiston kvotasi) ajratsa va Kurdistonga konstitutsiya bilan belgilangan yig‘imlarni ta’minlansa, biz neft dosyesi, aeroportlar, chegara o‘tishlar va barcha daromadlarni Bag‘dod ixtiyoriga topshirishga tayyormiz”.