Fransiya va Shveysariyada aksilterror operatsiyasi davomida o‘n kishi ushlandi

Fransiya va Shveysariya huquq-tartibot organlari 7-noyabr kuni o‘tkazilgan qo‘shma aksilterror operatsiyasi chog‘ida o‘n kishini ushladi. Bu haqda, Le Figaro gazetasiga asoslanib, “Interfaks” xabar bermoqda.

Aytilishicha, hibsga olinganlarning yoshi 18–65 orasida. Ular Fransiya hududida terakt uyushtirishni rejalashtirgani ma’lum. Bu narsani ular ijtimoiy tarmoqlarda muhokama qilib borgan.

Terrorchilar Fransiyaning Provans – Alp – Lojuvard qirg‘oq mintaqasida, shuningdek, Parijda ushlandi. Yana bir gumondor Shveysariya hududida tutib qolindi. U Fransiyadagi sheriklari bilan muntazam aloqa qilib turgan.