Pentagonning Kasperskiy mahsulotlaridan foydalanishini qonuniy tarzda taqiqlashadi

AQShning 2018-moliya yili uchun mo‘ljallangan mudofaa budjeti loyihasida aytilishicha, Pentagonda Kasperskiy laboratoriyasi mahsulotlaridan foydalanishni taqiqlash qonuniy tarzda rasmiylashtiriladi. Bu haqda “Korrespondent.net” xabar bermoqda.

“Moskvada joylashgan kompaniya Rossiya hukumati ta’siri ostiga tushishi mumkinligi haqidagi xabarlar tufayli, qonun loyihasi mudofaa vazirligiga Kasperskiy Laboratoriyasi ishlab chiqqan dasturiy platformalardan foydalanishni taqiqlaydi”, — deyiladi qonun loyihasida.

Avvalroq AQSh ichki xavfsizlik vazirligi mamlakatdagi barcha davlat muassasalari uch oy muddatda Kasperskiy Laboratoriyasi mahsulotlaridan foydalanishni to‘xtatishi kerakligini ma’lum qilgan edi.