Zambiyada fil ikki sayyohni yanchib o‘ldirdi

Zambiya poytaxti Livingstonda daydi fil ikki sayyohni o‘ldirdi, deb yozadi “RBK” mahalliy politsiya vakiliga tayanib.

Uning so‘zlariga ko‘ra, fil o‘ziga yaqinlashib, u bilan suratga tushmoqchi bo‘lgan belgiyalik 55 yoshli ayolni va niderlandiyalik 64 yoshli erkakni o‘ldirgan. Ayolning filga o‘ta yaqin kelgani uning jahlini chiqargan va u ayolni tepib yanchishni boshlagan. Boshqa sayyoh ayolga yordam bermoqchi bo‘lgan, ammo u ham jonivorning oyoqlari ostida qolgan.

Mahalliy yovvoyi tabiat departamenti ma’lumotlariga ko‘ra, Zambiyada yovvoyi hayvonlar hujumi natijasida har yili yuzlab odamlar halok bo‘ladi. Sayyohlar ham mahalliy fauna vakillari hujumidan himoyalanmagan.