Oqqo‘rg‘onda mashina olib berishni va’da qilib, odamlarni aldagan firibgar ushlandi

Toshkent viloyatining Oqqo‘rg‘on tumanida mashina olib berishni va’da qilib, odamlarni aldagan firibgar ushlandi. Bu haqda viloyat IIB ma’lum qildi.

Aytilishicha, tumanda yashovchi 1991-yilda tug‘ilgan Shodibek Xoshimov tanishi, uy bekasi, 1965-yilda tug‘ilgan Sayyora Eraliyevani “Matiz olib beraman” deb aldab, undan 24 million so‘m pulni olib, shu kunga qadar qaytarib bermagan.

Ushbu holat yuzasidan unga nisbatan Jinoyat Kodeksining 168-moddasi 2-qismi bilan jinoyat ishi qo‘zg‘atildi. Tergovni IIB olib bormoqda.