Avstraliya terma jamoasi JCh—2018 ning 31-chiptasini yutib oldi. Bu safargi qahramon Mile Yedinak
Avstraliya milliy terma jamoasi 2018-yil Rossiyada bo‘lib o‘tadigan Jahon Chempionatida ishtirok etadi. Shu tariqa mundialda Osiyodan 5 ta terma jamoa qatnashadi: Eron, Yaponiya, Saudiya, Janubiy Koreya va Avstraliya.
Pley-offning dastlabki o‘yinini Gondurasda o‘tkazgan yashil qit’a termasi 0:0 hisobidagi durang natijaga imzo chekkandi. Tomonlarning Sidneyda bo‘lib o‘tgan javob o‘yinida Avstraliya 3:1 hisobida zafar quchdi. Bellashuvdagi mezbonlarning har uchala goli “Aston Villa” a’zosi Mile Yedinak tomonidan urildi.
33 yoshli futbolchi shu tariqa qit’alararo pley-offda Avstraliya qahramoniga aylandi. Osiyo pley-offida Suriya postiga 2 ta gol urgan Tim Kexill qahramon bo‘lgandi.
JCh—2018
Pley-off
15-noyabr, chorshanba
Gollar: Mile Yedinak, 53 (1:0). Mile Yedinak, 72-pen (2:0). Mile Yedinak, 86 (3:0). Figeroa, 94+ (3:1).
Dastlabki o‘yin: 0:0
Avstraliya bilan JCh ishtirokchilari soni 31 taga yetdi. So‘nggi chipta egasi ertaga o‘tadigan Peru — Yangi Zelandiya o‘yinidan keyin o‘z egasini topadi.