Bishkekda ikkita jip to‘qnashib ketdi, ulardan biri davlatning oliy mansabdor shaxslariga hamrohlik qilayotgan edi

Qirg‘iziston poytaxti Bishkekda hukumat trassasida (Ch. Aytmatov shoh ko‘chasi) ikkita jip to‘qnashib ketdi, ulardan biri davlatning oliy mansabdor shaxslariga hamrohlik qilayotgan edi, deb yozadi K-News huquq-tartibot organlariga tayanib.

Aniqlik kiritilishicha, YTH 16-noyabr, payshanba kuni 08:20 (Toshkent vaqti bilan 07:20) atrofida yuz bergan.

“Land Cruiser Prado va Chevrolet Suburban rusumidagi ikkita yo‘ltanlamas to‘qnashib ketgan, jiplardan biri davlatning birinchi shaxslariga hamrohlik qilayotgan bo‘lgan. Jabrlanganlar haqida hozircha ma’lumot yo‘q”, — dedi huquq-tartibot organlari vakili.