500 dollardan 5000 dollargacha: Toshkent viloyatida chaqaloqlar sotish bilan shug‘ullangan ayollar qo‘lga olindi

So‘nggi yillarda yangi tug‘ilgan chaqaloqlarni sotish bilan bog‘liq holatlar qayd etildi. Bu haqda “Gazeta.uz” xabar bermoqda.

Xabar berishlaricha, Milliy xavfsizlik xizmati organlari tomonidan Toshkent viloyati hududida o‘tkazilgan tadbirlar davomida T.Xo‘jayeva va A.Kuramshinaning jinoiy faoliyatiga chek qo‘yilgan.

Qayd etishlaricha, bu fuqarolar yangi tug‘ilgan chaqaloqlarni izlab topib, ularni 500 dollardan 5000 dollargacha bo‘lgan narxlarda qayta sotish bilan shug‘ullanib kelgan.

“Ular mos ravishda olti va to‘rt yilga ozodlikdan mahrum etildi”, — deyiladi xabarda. Bu ikki ayolning jinoyati ko‘lami haqida qo‘shimcha axborot berilmagan.