Angela Merkel bundestagga yangi saylovlar o‘tkazilishini yoqlab chiqdi

Germaniya kansleri Angela Merkel bundestagga yangi saylovlar o‘tkazilishini yoqlab chiqdi. Bu haqda “Gazeta.ru” xabar bermoqda.

U “kamchilik hukumati” faoliyatiga munosabati salbiy ekanligini bildirdi va mamlakat prezidenti Frank-Valter Shtaynmayerga bunday hukumat kansleri bo‘lishni rejalashtirmaganini ma’lum qildi.

“Bundestagga yangi saylovlar eng maqbul variant bo‘lardi”, — dedi Merkel.

Eslatib o‘tamiz, oldinroq Germaniya Erkin demokratik partiyasi Angela Merkelning XDS/XSS bloki bilan koalitsiya tuzishdan voz kechgandi.

Prezident Shtaynmayer hukumatni shakllantirish bo‘yicha muzokaralarning bosh berk ko‘chaga kirib qolishi Germaniyani 70 yildan buyon kuzatilmagan murakkab vaziyatga olib kelganini bildirdi.