Yunusoboddagi sport markazi yechinish xonasida 9 yoshli bola tok urishidan o‘ldi

Yunusobod tumanida joylashgan sport markazida 9 yoshli maktab o‘quvchisi tok urishi oqibatida halok bo‘ldi. Bu haqda UzNews xabar bermoqda.

Yunusobod tuman IIBga ko‘ra, voqea 16-noyabr kuni 19-kvartaldagi sport kompleksi yechinish xonasida ro‘y bergan. 257-maktabning 3-sinf o‘quvchisini tok urgan.

Bola shifoxonaga olib ketilayotganida yo‘lda vafot etgan.

Ayni paytda bo‘lib o‘tgan voqeaning sabablari aniqlashtirilmoqda.