Stadionning portlashini tasvirga olmoqchi bo‘lgan operatorga avtobus xalaqit berdi (video)

Weather Channel teletarmog‘ining tasvirchisi boshqa telekanallar vakillari kabi AQShning Atlanta shahridagi “Jorjia Doum” stadionining portlatilishini tasvirga olishga harakat qildi. Biroq unga avtobus xalaqit berdi. Meduza holat aks etgan videoni taqdim etdi.

1996-yilda Olimpiada o‘yinlari bo‘lib o‘tgan 80 ming o‘rinli stadion 20-noyabrda buzildi. Weather Channel tasvirchisi stadionnining devori orqasidagi yo‘lning chetida turib, portlashni tasvirga olmoqchi bo‘lgan. Biroq tanlagan joyi omadsiz chiqqan. Stadion portlashni boshlagan zahoti kamera oldida avtobus to‘xtagan va butun ko‘rinishni to‘sib qo‘ygan.

Tasvirchi avtobusga qarab baqirgan, ammo bu unga yordam bermagan. Avtobus stadion o‘rnida chang bulutlari qolgandagina joyidan qo‘zg‘algan.