Teraktdan jabr ko‘rgan ispaniyalik futbolchi Mark Bartra operatsiya qilindi

Dortmundning “Borussiya” klubi mehmonxonadan chiqib, stadion sari intilishi oldidan avtobus yaqinida portlash sodir bo‘lgandi. Bunda jamoaning ispaniyalik futbolchisi Mark Bartra jarohatlangani aytilgandi.

Nemis nashrlarining ma’lum qilishicha, voqea sodir bo‘lishi bilan shifoxonaga yetkazilgan Mark Bartra muvaffaqiyatli operatsiya qilingan. Uning qo‘liga oyna siniqlari va yana boshqa zarralar kirib ketgandi deyiladi xabarlarda.

Ayni vaqtda Bartra o‘zini yaxshi his qilmoqda. Ammo bu uning “Monako”ga qarshi harakat qila olishini bildirmaydi.