Emmerson Mnangagva Zimbabveda prezident saylovi qachon bo‘lib o‘tishini ma’lum qildi

Zimbabvening yangi rahbari Emmerson Mnangagva mamlakatda prezident saylovi 2018-yili bo‘lib o‘tishini ma’lum qildi. Bu haqda “RIA Novosti” xabar bermoqda.

“2018-yili bo‘lib o‘tadigan demokratik saylovdan oldin va keyin bir-birimizga munosabatimiz tinchlik va uyg‘unlik asosiga qurilishi lozim. Bugun sizga va’da beramanki, bu saylovlar rejalashtirilganidek o‘tadi”, — dedi u.

Mnangagvaning qasamyod marosimi 24-noyabr kuni Zimbabve poytaxti Xararedagi stadionda bo‘lib o‘tdi. Sobiq prezident Robert Mugabe “charchagani sababli” marosimda qatnashmadi.