Turkmaniston prezidenti BMW M3 da “Forsaj” uyushtirdi (video)

Turkmaniston ichki ishlar vazirligi o‘ziga qarashli avtomobil sporti markazi ehtiyojlari uchun poyga avtomobillarini xarid qilgan edi. Mamlakat prezidenti Gurbanguli Berdimuhamedov 22-noyabr kuni avtomobillarni shaxsan tekshirib ko‘rdi, deb xabar beradi TJournal.

U maxsus trekka chiqib, mashinani konuslar atrofida aylantirdi.

“Xronika Turkmenistana” nashri videoga Need For Speed: Underground 2 o‘yinidan olingan Terror Squad ft Fat Joe — Lean Back trekini audioqator sifatida qo‘shdi.

“Turkmenistan segodnya” davlat agentligi prezident Alfa Romeo mashinalarini tekshirganini yozgan edi, ammo videorolikda u BMW boshqarganini ko‘rish mumkin.