Biznes-ombudsmen Boris Titov Rossiya prezidentligiga nomzod sifatida taklif etildi

“Rost partiyasi” siyosiy kengashi partiya syezdiga biznes-ombudsmen Boris Titovni 2018-yilgi saylovlarda Rossiya prezidentligiga nomzod sifatida ilgari surishni taklif etdi. Bu haqda “Interfaks” xabar bermoqda.

Titov nomzodi haqidagi qaror partiya siyosiy kengashining 25-noyabr, shanba kuni Abrau-Dyursoda bo‘lib o‘tgan yig‘ilishida qabul qilindi.

Nomzod ilgari suriladigan syezd dekabrda bo‘lib o‘tadi. Aniq sana saylov kampaniyasi boshlanishi e’lon qilinganidan so‘ng belgilanadi.