AQSh va Janubiy Koreya prezidentlari KXDR raketa sinoviga javob choralarini muhokama qildi

AQSh prezidenti Donald Tramp va Janubiy Koreya yetakchisi Mun Chjе In telefon orqali muloqotda KXDR qit’alararo ballistik sinoviga javob choralarini muhokama qildi. Bu haqda Oq uy matbuot xizmati ma’lum qildi, deya xabar berdi “Gazeta.ru”.

“Ikki yetakchi ham KXDR nafaqat AQSh va Janubiy Koreya, balki butun dunyoga tug‘dirayotgan jiddiy xavfni ta’kidladi”, — deyiladi xabarda. 

AQSh, Janubiy Koreya va Yaponiya raketa uchirilishi munosabati bilan BMT Xavfsizlik kengashining shoshilinch yig‘ilishi chaqirilishini so‘radi.

Yig‘ilish 29-noyabr, chorshanba kuni Nyu-York vaqti bilan 16:30 da boshlanishi kutilmoqda.