Sindzo Abe: Yaponiya, AQSh, Xitoy, Rossiya va Janubiy Koreya KXDRning ishiga javob choralari ko‘radi

Yaponiya AQSh, Rossiya, Xitoy va Janubiy Koreya bilan sa’y-harakatlarini birlashtirib, Shimoliy Koreyaga qat’iy javob beradi. Bu haqda Yaponiya bosh vaziri Sindzo Abe bayonot berdi, deb xabar qiladi “TASS”.

“Janubiy Koreya, AQSh, Rossiya va Xitoy va butun jahon hamjamiyati bilan kuchlarimizni birlashtirib, qat’iy javob beramiz”, — ta’kidladi davlat rahbari.

Yaponiya yetakchisi G7 sammitida KXDR muammosini kun tartibiga qo‘yib, uni jiddiy muhokama qilishni hamda tegishli chora-tadbirlarni ishlab chiqishni rejalashtirayotganini alohida ta’kidladi.

Bir muddat ilgari KXDR yana bir raketa sinovini o‘tkazgani va raketa Yaponiya iqtisodiy zonasiga yetmay pastlagani xabar qilingan edi.

“Daryo” yangiliklarini Facebook’da kuzatib boring