Turkmaniston delegatsiyasi Xorazm viloyati tajribasini o‘rganmoqda

Xorazm viloyatiga Turkmanistonning Doshovuz tumani meri Mamed Bayramguliyev boshchiligidagi delegatsiyasi tashrif burdi. Bu haqda Uz24 xabar bermoqda.

Viloyat hokimiyatiga ko‘ra, mehmonlar Shovot tumanidagi Katqal’aTeks kompaniyasi faoliyati bilan tanishgan. Kompaniyada yo‘lga qo‘yilgan ishlab chiqarish jarayoni delegatsiyada katta qiziqish uyg‘otgan.

Shuningdek, Doshovuz va Xorazm hokimlari raisligida tadbirkorlar, san’at va madaniyat vakillari bilan uchrashuv bo‘lib o‘tgan. Uchrashuvda ikki tomonlama hamkorlikni savdo-iqtisodiy, sotsial-siyosiy sohalarda kengaytirish masalalari ko‘rib chiqilgan.

Shuningdek, delegatsiya Urganch shahridagi “Yoshlik” sport kompleksida hamda GM Uzbekistan’ning Xorazm filialida bo‘lgan.