NYT: AQSh davlat kotibi tez orada iste’foga chiqishi mumkin

AQSh davlat kotibi Reks Tillerson yaqin bir necha hafta ichida iste’foga chiqishi mumkin, uning o‘rnini esa Markaziy razvedka boshqarmasi direktori Mayk Pompeo egallaydi. Bu haqda, The New York Times gazetasiga asoslanib, Meduza xabar berdi.

Aytilishicha, AQSh prezidenti Donald Tramp Tillersonning iste’fosi haqida uzil-kesil qaror qabul qilgan-qilmagani ma’lum emas.

The New York Times’ga ko‘ra, Tillerson ketib, uning o‘rnini Pompeo egallasa, MRB tepasiga Arkanzasdan saylangan senator Tom Kotton keladi.