Isroilda 20 mingga yaqin kishi korrupsiyaga qarshi norozilik namoyishlariga chiqdi

Isroilda 20 mingga yaqin kishi bosh vazir Binyamin Netanyaxuni korrupsiya bilan bog‘liq surishtiruvlardan chetlatishga qaratilgan qonunchilik tashabbuslariga norozilik sifatida Tel-Aviv ko‘chalariga chiqdi. Bu haqda “RIA Novosti” xabar bermoqda.

Qatnashchilar o‘z namoyishlarini “sharmandalik marshi” deb atadi.

Hukumat rahbarining tarafdorlari parlament orqali birinchisi politsiyaga bunday tekshiruvlar natijalari bo‘yicha tavsiyalarni chop etishni man etish, ikkinchisi esa amaldagi bosh vazirga jinoiy ta’qibdan daxlsizlik taqdim etishga qaratilgan qonunlarni o‘tkazishni rejalashtirmoqda.

Ma’lumot uchun, Binyamin Netanyaxu biznes vakillaridan qimmatbaho sovg‘alar olish va hukumat faoliyatini ijobiy yoritish bo‘yicha “Yediot Axronot” noshirlik uyi egasi bilan til biriktirishga urinishda ayblanmoqda.