Afg‘onistonda “Tolibon”ning uch qo‘mondoni yo‘q qilindi

Afg‘oniston harbiy-havo kuchlarining mamlakat sharqidagi G‘azni viloyatida o‘tkazgan operatsiyasi davomida “Tolibon” harakatining kamida 3 nafar dala qo‘mondoni o‘ldirildi. Bu haqda viloyat politsiyasi boshlig‘i Muhammad Zamon ma’lum qildi, deya xabar beradi “TASS”.

Xabar berishlaricha, Afg‘oniston harbiy-havo kuchlari jangarilarning karvoniga zarba bergan.

“Hujum natijasida barcha transport vositalari yo‘q qilindi, 3 nafar mahalliy dala qo‘mondoni o‘ldirildi. Kamida 6 nafar jangari yarador qilingan”, — dedi G‘azni politsiyasi rahbari.