O‘zbekistonda Haj safariga chiqishni istovchilar uchun talablar qattiqlashtirildi

O‘zbekiston musulmonlari diniy idorasida Haj safariga chiqish niyatida bo‘lganlarga qo‘yiladigan talablarni e’lon qildi. Bu haqda “Novosti Uzbekistana” xabar bermoqda.

Unda ko‘rsatilishicha, endilikda Hajga borishni istaganlar moddiy ta’minlangan, ma’naviy yetuk bo‘lishi, duolarni bilishi hamda mahallaga yoshlar diniy ta’limi bo‘yicha ko‘mak berishi lozim. Moliyaviy imkoniyatlarini u Haj safariga sarflashi lozim.

Bundan tashqari, Hajga boradigan ayolga erkak kishi — eri, aka-ukasi, o‘g‘li hamrohlik qilishi lozim.

Idoraga ko‘ra, oldin hojilar orasida kasallar va kambag‘allar ko‘p edi. Fatvoda aytilishicha, ilgari ularni mahallada obro‘ topishni yoki ota-onasi oldida burchini ado etishni istagan farzandlari Haj safariga yuborgan.