Google va Facebook raqamli reklama bozorining 80 foizdan oshig‘ini nazorat qilmoqda

Google va Facebook 2017-yilda dunyoda raqamli reklama uchun sarflangan mablag‘ning 84 foiziga ega bo‘ladi. Bunda Xitoy hisobga olinmagan, deb xabar beradi “Kommersant.ru”.

GroupM agentligi taxminiga ko‘ra, 2018-yilda reklamaga global xarajatlar hajmi 4,3 foiz yoki 23 milliard dollarga ko‘payadi va buni aynan raqamli segment ta’minlaydi.

Kelgusi yili televideniye reklamasiga xarajatlar 2,2, raqamli reklamaga 11,3 foizga oshishi kutilmoqda.

Joriy yilning o‘zida 17 davlat, jumladan, Buyuk Britaniya va Germaniyada raqamli mediada reklamaga sarflangan mablag‘ hajmi televideniyedagi reklama roliklariga xarajatlardan ortadi.