Isroil harbiylari bilan to‘qnashuvlarda jabrlangan falastinliklar soni yuz kishidan oshdi

Quddus, G‘azo sektori hamda Iordan daryosining g‘arbiy sohilida Isroil harbiylari bilan to‘qnashuvlardan yuzdan ortiq falastinlik jabrlandi. Bu haqda Qizil yarim oyning rasmiy vakili Irob al-Fuqaho bayonot berdi, deb xabar qiladi “RIA Novosti”.

To‘qnashuvlarga AQSh prezidenti Donald Trampning Quddusni Isroil poytaxti deb tan olish qarori sabab bo‘ldi. Turli davlatlarning noroziligiga qaramay, Oq Uy Tramp Quddusni rasman Isroil poytaxti deb tan olinishini e’lon qilgan edi. Shundan so‘ng falastinliklar norozilik namoyishlariga ko‘tarildi.

Qizil yarim oy vakiliga ko‘ra, ushbu to‘qnashuvlar davomida Quddusda va Iordan daryosining g‘arbiy sohilida 95 kishi, G‘azo sektorida 15 kishi jabrlangan.