Oq uy falastinliklar AQSh vitse-prezidenti bilan uchrashishdan bosh tortganidan afsus bildirdi

Oq uy AQSh vitse-prezidenti Mayk Pensning Yaqin Sharqqa tashrifi arafasida falastinliklar u bilan uchrashishdan bosh tortganidan afsus bildiradi. Bu haqda Pensning matbuot xizmati vakili Jarrod Eyjen ma’lum qildi, deya xabar beradi “RIA Novosti”.

“Falastin rasmiylari mintaqaning kelajagini muhokama etishdan o‘zini yana olib qochayotgani achinarli. AQSh ma’muriyati isroilliklar va falastinliklar o‘rtasida tinchlik hukm surishi uchun ko‘mak berishda davom etadi”, — dedi Eyjen.

Eslatib o‘tamiz, Falastin rahbariyati Tramp tomonidan Quddusning Isroil poytaxti deb tan olinishiga qarshi norozilik belgisi sifatida AQSh vitse-prezidenti Maykl Pens bilan uchrashishdan bosh tortgandi.