Toshkentda “Hizb ut-Tahrir”ga aloqador to‘rt kishi ushlandi. Ulardan ikki nafari ayollar

O‘zbekiston huquq-tartibot organlari xodimlari Toshkentda ikki erkak va ikki ayolni “Hizb ut-Tahrir” terrorichi guruhiga a’zolikda gumon qilib qo‘lga oldi. Bu haqda 1News xabar berdi.

Poytaxt IIBB xabariga ko‘ra, “Tozalash-Antiterror”operatsiyasi doirasida qo‘lga olingan shaxslar Toshkentda terrorchi guruh yacheykasini tashkil etishda gumonlanmoqda.

Ushlanganlarning uch nafariga nisbatan hibsga olish shaklidagi cheklash chorasi qo‘llangan. To‘rtinchi gumondor — uch farzandni boqayotgan yolg‘iz ona uy qamog‘ida saqlanmoqda.

Tintuv chog‘ida ularning uylarida tilga olingan tashkilot ideologiyasini targ‘ib qiluvchi kitoblar va elektro materiallar topilgan.