Peskov Putin uchun Telegram-kanallar dayjestlari tuzilishi haqida aytib berdi

Rossiya prezidenti matbuot kotibi Dmitriy Peskov Kremlda Telegram-kanallardagi maqolalar tahlil qilinishi va barcha zarur axborot davlat rahbari Vladimir Putinga taqdim etilishini aytdi, deb yozadi “Gazeta.ru”.

“Biz Telegram-kanallarni yuritmaymiz, biz ularni o‘qiymiz. Ularni tahlil qilishga harakat qilamiz va, shubhasiz, bu tahlilni prezidentga taqdim etamiz. Biz Telegram-kanallarning alohida dayjestlarini tuzamiz”, — dedi Peskov.

Uning so‘zlariga ko‘ra, bu yangicha odatdir.

“Bizda bu ommaviy axborot vositalari borasida olg‘a qarab rivojlanishmi yoki regressiv (orqa qaytadigan) rivojlanishmi? — degan mavzuda bahslar olib borilmoqda”, — deya qo‘shib qo‘ydi Peskov.