Koreyaga ishga ketmoqchi bo‘lgan o‘zbekistonliklar uchun ma’lumot e’lon qilindi

Tashqi mehnat migratsiyasi masalalari agentligi Koreyada ishlashni istovchi va kompleks test markazida testdan o‘tayotgan O‘zbekiston fuqarolari uchun e’lon chop etdi.

Kompleks test markazida test topshirgan hamda surati va pasportini to‘g‘ri yuklay olmayotgan barcha fuqarolar o‘z anketalarini to‘ldirishlari va unga o‘z surat va skaner qilingan pasportlarini yuklashlari lozim, deyiladi xabarda.

EPS-TOPIK testidan o‘tish uchun pasportning skan qilingan shaklini taqdim etish lozim (sharti: 600 piksel hajmda skaner qilingan bo‘lishi shart, faylning hajmi 100 kb dan oshmasligi lozim) hamda elektron formatdagi surat (sharti: hajmi 3,5 ? 4,5sm jpg format va 100 dan 300 piksel bo‘lishi lozim, fayl 15 kb hajmdan oshmasligi shart.)

Foto va pasport fayllari tagiga pasport seriya va raqamini yozib qo‘yish lozim. Pochta orqali jo‘natsangiz, masalan: AA1234567P.jpg – (Pasport) AA1234567F.jpg – (Surat). Masalan: diskka marker bilan AA1234567 (yoki uni konvert ustiga yozib qo‘yish lozim) – agar CD-disk yordamida jo‘natsangiz (bunda sifatli disklardan foydalanishni hamda jo‘natishdan oldin uni tekshirishni tavsiya qilamiz).

Ushbu ma’lumotlarni Agentlik pochta manziliga – eps2017@migration.uz yuborish lozim.

Ushbu ma’lumotlarni CD/Flesh kartaga yoki boshqa moslamaga yozib Agentlik va uning filiallari joylashgan quyidagi manzillarga yuborish lozim:

Ushbu ma’lumotlarni reytingingizni tekshirish shakli orqali yuborish uchun faylni migration.uz/result-check havolasi orqali yuklash kerak.