Peterburgda terakt uyushtirishda ayblangan aka-uka Azimovlarning otasi Moskvada qo‘lga olindi

Moskvada Sankt-Peterburg metrosida terakt uyushtirishda ayblangan Akrom va Abror Azimovlarning otasi qo‘lga olindi. Bu haqda ulardan birini himoya qilayotgan advokat Dmitriy Dinze ma’lum qildi, deya xabar beradi Meduza.

Axrol Azimov qo‘lga olinganini uning kichik o‘g‘li ham tasdiqladi.

Dinze Axrol Azimovga guvohlik ko‘rsatmalarini o‘zgartirish va o‘g‘illari advokatlardan voz kechishiga erishish maqsadida bosim o‘tkazilishi mumkinligini ta’kidladi.

“Interfaks” manbasiga ko‘ra, yaqinda Rossiya fuqaroligidan mahrum etilgan Azimov mamlakatda bo‘lib turish qoidasini buzgani uchun tutilgan. Uni Sankt-Peterburg maxsus xizmatlari xodimlari qo‘lga olgani va shaharga yetkazib kelgani bildirilmoqda.