O‘zbekistonlik yosh tadbirkorlar Turkiyada malaka oshiradi

Tashqi savdo vazirligida Turkiya hamkorlik va muvofiqlashtirish agentligi prezidenti Serdar Cham bilan muzokaralar o‘tkazildi. Bu haqda vazirlik matbuot xizmati xabar bermoqda.

Muzokaralar yakuni bo‘yicha turk tomoni bilan yoshlar tadbirkorligini qo‘llab-quvvatlash, jumladan, Turkiya iqtisodiy tizimlari va o‘quv yurtlarida yosh tadbirkorlar ish o‘rganishi va malakasini oshirishini tashkillash yuzasidan kelishib olindi.

Shuningdek, tomonlar Turkiyaning tegishli vazirliklari bilan hamkorlikda biznes-forumlar, seminarlar o‘tkazish, ikki tomon uchun ham qiziqish tug‘diradigan loyihalar amalga oshirilishiga texnik ko‘mak jalb etishni rejalashtirdi.