Rossiya delegatsiyasi qishloq xo‘jaligi sohasidagi hamkorlik masalalarini muhokama qilish uchun O‘zbekistonga keladi

22-dekabr kuni Toshkent shahriga Rossiya Federatsiyasi Qishloq xo‘jaligi vazirligi delegatsiyasi a’zolari tashrif buyuradi. Bu haqda TIV matbuot xizmati ma’lum qildi.

Turli darajadagi O‘zbekiston-Rossiya kelishuvlarini va mamlakatlar o‘rtasida qishloq xo‘jaligi sohasidagi hamkorlikni yanada rivojlantirish bo‘yicha harakatlar rejasini amaliy tatbiq etish doirasida ikki mamlakatning tegishli tuzilmalari vakillari tomonidan baliqchilik va suvga bog‘liq mahsulotlar yetishtirish sohalarida istiqbolli hamkorlik loyihalari muhokama qilinadi.

Rossiya delegatsiyasiga qishloq xo‘jaligi vazirining o‘rinbosari Yevgeniy Gromiko boshchilik qiladi.