Video: Yangi Zelandiyadagi odamshinavanda pingvin

Reddit portalida Yangi Zelandiyadagi odamshinavanda pingvin videosi e’lon qilindi. “RIA Novosti” xabariga ko‘ra, portal foydalanuvchilari jonivorning harakatlaridan zavqu shavqqa to‘lgan.

Bir kun ichida rolik 74 ming marta ko‘rildi, video ostida mingdan ortiq fikr qoldirildi.

Videoda qalintumshuq pingvin (Yangi Zelandiyadagi kokildor pingvinlarning bir turi) uni suratga olayotgan odamlarning oldiga qo‘rqmay yugurib borayotganini ko‘rish mumkin.

Rolik muallifining qayd etishicha, pingvin bu uylar atrofida tez-tez paydo bo‘lib, maysazorlarda o‘ynab yuradi.