Android’ning bo‘lg‘usi versiyalarida signal darajasi ko‘rsatkichi olib tashlanishi mumkin

XDA Developers ishlab chiquvchilari Android’ning yangi versiyasiga operatorlarga signal darajasi tasvirini o‘chirib qo‘yish imkonini beruvchi funksiya qo‘shilganini aniqladi, deb yozadi Hi-Tech Mail.Ru. Bunday imkoniyat paydo bo‘lishiga nima turtki bo‘lgani noma’lum bo‘lib qolmoqda.

Yangi o‘zgarishlar amalga oshirilsa, ular tizim haqidagi axborotda “Signal darajasi” indikatorini o‘chirib qo‘yish imkonini beradi, bu SIM-kartani qo‘yishda operator darajasida yuz beradi.

Bu o‘zgarish boshqa API protokollariga ta’sir qilmaydi. Shu tufayli, LTE Discovery yoki Signal Strength kabi dasturlar signal kuchini ko‘rsata olishi taxmin qilinmoqda.

Ba’zi ekspertlar bunday o‘zgarish bir yoki bir nechta operatorlar so‘roviga ko‘ra amalga oshirilayotganini taxmin qilmoqda.