31-dekabr kuni Urganch shahrida nogiron va homilador ayollarga transport vositalari tekin xizmat ko‘rsatadi

Urganch shahridagi “Muso Avto” mas’uliyati cheklangan jamiyati urganchliklarga o‘ziga xos bayram sovg‘asi tayyorladi, deb xabar berdi O‘zA.

Bayram kuni Urganch shahridagi markaziy shifoxona, tug‘ruqxona va dehqon bozorlari yonida joylashgan avtomobillar to‘xtash joylarida va yo‘nalishlarda nogiron hamda homilador ayollarga bepul xizmat ko‘rsatiladi.

O‘zbekiston Avtomobil va daryo transporti agentligi Axborot xizmatining xabar berishicha, mazkur korxona tomonidan Xorazm viloyatida birinchi bo‘lib Telegram messenjeri orqali elektron to‘lov tizimi va taksi buyurtma qilish imkoniyati yaratilgan.