Xitoyda uzunligi 1 kilometrdan ortiq birinchi fotoelektr yo‘l ochildi

Fotoelektr panellar bilan qoplangan birinchi avtomobil yo‘li Xitoyning Szinan shahrida ochildi, deb yozadi “TASS”. Bu trassaning 1,12 kilometrlik qismi bo‘ldi.

Ochilish marosimida qoplamaning mustahkam ekanligini ko‘rsatib berish uchun yo‘ldan birinchilardan bo‘lib yuk mashinalari va avtobuslar yurib o‘tdi. Fotoelektr panellar favqulodda to‘xtash polosasini, shuningdek, shahar aylanma shossesining bitta qatorini qoplab turadi.

Ma’lumotlarga ko‘ra, fotoelektr qoplama maydoni 5875 kvadrat metrga yetadi. Tashkilotchilar hisob-kitoblariga ko‘ra, trassaning ushbu bo‘lagi maksimal quvvati 817,2 kVt ga yetadi, bu unga yiliga qariyb 1 million kilovatt-soat elektr energiyasi ishlab chiqarish imkonini beradi.